誠記

營業中

休息中

想飲杯正宗凍奶茶， 諗住呢啲熟食中心嘅凍奶茶都唔會點樣失手，點知咁難飲。上午時段，沒有ABC早餐供應，只可散叫。咁簡單啲，煎蛋麵凍奶茶，煎蛋ok冇問題，個麵就擺明係平嘢，勁難食; 至於個凍奶茶，可以咁講，我寧願飲麥記嗰杯凍奶茶，佢個凍奶茶又淡仲有一陣怪味，好似燒仙草嘅味，極難飲。凍飲佢仲有分大細杯（ 因為聽到隔離枱嗌大杯）， 杯凍奶茶比平時飲開嘅杯size細咗四分一， 不過咁難飲，都係飲唔晒。 最後埋單$41，早知過隔離食麥記/大快活冇咁嬲。