巨八日本料理 (已結業)

老實講,我係有俾人呃嘅感覺....我入去之前問佢係唔係真係神戶牛個STAFF話係見佢收得$1180,以為質素有D保證.....1.沙律:個DRESSING好酸,D所謂蟹肉係蟹柳...2.刺身:相中份量係FOR兩個人,吞拿魚唔新鮮,好霉.隻蝦...板X蝦都好食過佢多多聲.三文魚都OK,應該係三文魚腩.八爪魚...冇乜特別3.鱈魚:老實講,俾得呢個價錢,唔會預佢俾塊好似百佳油魚我,點知一食就覺得完全係果隻味,好油,好蠟,冇魚味,唯有點佢俾果碟汁醬...4.龍蝦:每人半隻,中規中矩,OK鮮味,唔洗點汁都好味,對間野印象好番D,點知....5.所謂厚切神戶牛:上菜果時我真係O左咀,佢切到好似人地試食咁,一粒骰咁,得5粒,每粒得5MM厚,佢預先上果個汁唔好味,我0係日本食過神戶牛,入口即溶,呢度果D,有渣....就係呢碟野搞到我冇哂MOOD,之後都冇影相...6.海鮮麪鼓湯:吉X家麪鼓湯+幾粒雪藏蜆肉...7.炒飯:都算幾好味,但係好似中式味道...8.甜品,紅豆榚:食左一口就冇食LOO...其實入去果時冇乜人,WAITER同客人比例係1:2左右,但係好多時要叫好耐先有人SERVE老實講,真係食