影片
更多
2008-06-25
24 瀏覽
尋日懸掛三號球風神打到黎，我地一行四人就打風都打唔甩咁揸車黎食啦, 夜晚十點到，一入去就好失望要走，”老細話黎緊掛八號，所以收十點半”，都未行出門口，點知老細又嗌住我地，可能見到我地好失望，話做埋我地生意，照常營業到一點，仲叫我地慢慢食，佢就叫其它伙記可以走先，勁”掂”！之前見食評話服務唔得，等我大平反啦，老細＋員工＝掂！食食下掛八號風球，唔趕收工不特止，仲係咁叫慢慢食！我哋一開始係咁嗌嘢食，好多嘢嗌兩碟兩碟上，牛又叫勁多，老細睇完係咁叫我哋cut單，話份量好多，叫我哋嗌少啲，勁掂一句：”錢我都想賺，我都想你哋嗌多啲嘢，但驚你哋食唔哂”，老細--有得頂呀！算經典係，竟然一路同我地講，一路幫我地cut單同執靚張單，竟然可以將一碟丸改為半份，再另加半份其它丸做一做，好人到...掂掂掂！(唔知係咪老板娘呢，其它員工不時加湯，好掂，好掂！老細仲介紹牛不同部位應該點樣食，清楚講得黎又唔長氣，加上態度一流，又係掂中掂！講返食物，牛柳粒味道濃郁，口感一流，必試！牛頸脊味香，爽趣，手打蝦丸好好好好味，鍾意內臟ｏ既朋友，豬腰就要食啦，好新鮮！不嬲食開100蚊任飲任食邊爐，但今次埋單時要成1244，盛惠每
之前見食評話服務唔得，等我大平反啦，老細＋員工＝掂！食食下掛八號風球，唔趕收工不特止，仲係咁叫慢慢食！我哋一開始係咁嗌嘢食，好多嘢嗌兩碟兩碟上，牛又叫勁多，老細睇完係咁叫我哋cut單，話份量好多，叫我哋嗌少啲，勁掂一句：”錢我都想賺，我都想你哋嗌多啲嘢，但驚你哋食唔哂”，老細--有得頂呀！算經典係，竟然一路同我地講，一路幫我地cut單同執靚張單，竟然可以將一碟丸改為半份，再另加半份其它丸做一做，好人到...掂掂掂！(唔知係咪老板娘呢，其它員工不時加湯，好掂，好掂！老細仲介紹牛不同部位應該點樣食，清楚講得黎又唔長氣，加上態度一流，又係掂中掂！
講返食物，牛柳粒味道濃郁，口感一流，必試！牛頸脊味香，爽趣，手打蝦丸好好好好味，鍾意內臟ｏ既朋友，豬腰就要食啦，好新鮮！不嬲食開100蚊任飲任食邊爐，但今次埋單時要成1244，盛惠每位三百幾，但小弟仲可以笑笑口，單都唔使check（心裏有數啦），就知心情大佳啦！又忍唔住講多句，掂！
收返120蚊coupon，一於下次黎食返生炒糯米飯，蟹（老細話必試，其實今日都想食，但又驚食唔哂），又要開始籌備幾時黎呢餐勁先
最後，環境，唔係豪華，但肯定舒服！如果係都要數缺點，就係八號風球，驚阻住老細收舖（雖然成日叫我吔慢慢食，但唔好意思嘛），所以未能盡情慢慢品嚐囉，總括黎講你都估到講乜啦．．．．．．．．．掂呀！
張貼