清山塾 (已結業)

上星期趁住週末，入咗屯門清涼法宛內嘅小小咖啡廳。其實要我形容佢為咖啡廳實在唔足以形容呢個地方：因為清山塾經常舉辦不同形式嘅文化藝術活動， 由電影瑜伽畫畫手作仔等等乜都有。不過要知道有咩活動，只能靠Facebook專頁。我上年喺剛開業嘅時候朋友帶過我去一次：上次一班中同加埋啲細路。細路可以係個花園跑黎跑去放電，大人係戶外花棚緬懷過去。今次則同文青好友係室內撐枱腳，佢參加workshop，我就係咖啡室睇書（內設書店），過了個優閒放鬆嘅一日。