鳴虎石頭燒 (已結業)

相信大部份人都少去土瓜灣，覺得土瓜灣就係代表香港嘅舊區同工廠區。但因為近年屯門線開通，土瓜灣嘅交通方便咗好多，而呢區亦煥然一新，我哋都發掘咗唔少餐廳小店。其中呢間鳴虎石頭燒以唔同產地嘅高質牛肉為賣點，牛肉由日本佐賀及美國新鮮直送，非常高質，絕對係一個被舊區耽誤嘅高質餐廳。M5牛肉飯定食充滿肉汁嘅日本佐賀A5和牛片，舖滿喺一個用日本米造成嘅小山丘上面，和牛入口即溶，夠晒驚喜。而當身處山頂嘅蛋黃被督穿後，金黃色嘅蛋汁一瀉而下，混合埋肉汁，沾滿每一塊牛肉片同飯粒，令人回味無窮！汁燒西班牙黑豚肉定食鳴虎石頭燒嘅汁燒西班牙黑豚肉定食選用西班牙黑豚肉，黑豚肉充滿肉味，同汁燒醬汁真係好夾，配合爽脆鮮甜嘅日本洋蔥，非常惹味，如果有得添飯就好喇。