八月居 (海港城) (已結業)

平時和家人食中菜，八月居都會列入考慮之列。因為地點方便，環境不擠迫，食物精美好味，服務好，當信用卡優都很吸引！今次點了：脆脆bb豬，每次必點，因為乳豬件非常厚，醬汁已經塗在豬身，皮脆肉厚，沙律菜伴碟都十分好味！蜜汁叉燒，又係大大件又抵食！薑蔥爆海參，又係必點！雖然份量較少但海參大大份，薑蔥炒真係好香！同平時炆海參的感覺不同！花膠絲上湯豆苗咕嚕魚塊？（唔記得叫咩名）第一次食咕嚕汁的魚塊，幾特別！不過感覺少少奇怪，因為咕嚕汁應該配肉架ma!蒜香牛肉粒，份量少但因為好味所以每次都點！送飯好夾架！ 海哲頭，大大粒！想食中餐的朋友可以一試八月居！