Simplylife Bakery Cafe

營業中

休息中

九龍塘的simply life本來實在不需我多作介紹，每次經過必見人龍，入內次次滿座。因為人多，平常如果光顧都要有心理準備排隊一段時間，但最近發現可用app遙距拎飛（可能已經不算新聞？），咁就大大不同了！拎定飛再慢慢行街，輕輕鬆鬆就食到。餐牌不常更換，因為喜愛手工意粉，以前每次黎都食蜆肉辣肉腸扁意，但今日見到有個海鮮意粉，仲要係辣茄汁，馬上點菜！原本我都冇諗過我會因為一碟意粉而寫食評，但意粉真是有驚喜！鱸魚皮脆肉嫩，魷魚鬚微微焦香，青口肉結實，辣茄汁更令我意粉一口接一口，停不下來！結果，我當天吃完後，第二日因事再出又一城，毫不猶豫地，再去simply life 翻尋味。PS 同場加映友人點的煙三文魚薄餅，從來不敢點薄餅的我（因為吃不完），非常喜歡sour cream， 紫洋蔥及煙三文魚的組合，濃郁卻又不膩，可以一試。