韓閣 (新都城中心二期) (已結業)

小朋友終於考完試啦，梗係要食返餐好～今次我哋就再encore多次去韓閣食午餐，之前食過全部食物都好好味，份量又足，價錢大眾化仲免收加一。牛骨蘿蔔粉絲湯大碗又足料，裡面有好多牛骨而且啖啖肉，湯煮得香甜，粉絲又煮得剛剛好，索咗啲湯汁好入味！兒童餐份量都唔少，裡面有雞肉椰菜炒拉麵、炸流心芝士條、黃金炸帶子餅配橙汁，炸物真係整得好脆好惹味！雜錦紫菜飯卷裡面有蟹柳、肉鬆、青瓜及蛋，吃起來口感豐富，飯亦充滿麻油香呢度實在有太多野都想試，下次要再食先得！