京都抹茶屋 (已結業)

今日係第二次幫襯呢間抹茶屋。 今次主要想試下佢啲set餐，咁啱見到佢有個抹茶冰淇淋紅豆西多士套餐，身為抹茶控嘅我心郁郁想試一試佢嘅抹茶雪糕！ 於是我就點咗呢個餐，另外加15蚊配咗杯熱嘅抹茶牛奶。 西多士係新鮮炸起嘅，夠熱之餘亦有蛋香味 食嘅時候舀少少抹茶雪糕同紅豆撈埋落西多士個面度 食起上嚟一凍一熱真係超級正，而且佢嘅抹茶雪糕都幾滑，有奶香同抹茶嘅甘味。後來向店員查詢後，先知雪糕原來係從日本訂返嚟的。 而呢度嘅抹茶牛奶都唔錯，抹茶同牛奶嘅比例啱啱好，唔會太過偏重一邊。飲完之後成個人暖笠笠精神曬。 再有機會幫襯嘅話，想試下個雪山西多set餐 睇個名好似好吸引咁~