盛八日式燒肉放題店 (已結業)

匯X咭有個特價二人套餐好抵食, HK$488, 三個人加小小o野都好夠食... (套餐)韓式牛肉刺身--見到都覺得恐怖... 但係力仔同早兄食得津津有味...(套餐)盛八四小碟(盛八豆腐、泡菜、目黑茄子、溫室青瓜)--D茄子好好味呀...(套餐)燒虎蝦、山形縣尾花澤和牛、半殼香草牛油帶子、燒蜆、果味牛胸腹、鹿兒島鹽燒黑豚、法式芥末籽牛舌、義大利香草雞腿肉--和牛同帶子滋味到不得了, 虎蝦又新鮮, 其他都好正...(套餐)什箘拚盤--成個錫紙盤放落個爐度燒, 再加埋舊香草牛油, 嘩, 好吸引呀... 不過... 佢係我嘅黑星... 有得睇冇得食...(套餐)盛八泡飯--好味, 但係好多菇菇, 唔係我杯茶...(散叫)盛八特式野菜沙律--食燒肉加D沙律都幾好, 清一清味蕾, 最佳選擇...(散叫)法式小羊排配意大利香草--估唔到咁啖啖肉, 好足料... 燒得好好食呀...(套餐)da dolce意大利番石榴雪芭--好清新, 食完燒肉食, 一流... 食物味道無懈可擊, 真係一分錢一分貨!!! 原本服務都算唔錯, 但係食到最尾我地實在太飽, 所以個小羊排燒好咗之後放左好耐都未食, 個侍應竟然