影片
更多
2010-07-26
25 瀏覽
六月份係食神嫂嘅生日月, 師傅一早約左食神嫂於生日週飯局賀壽, 無奈食神要搵陽光與海灘, 同師傅嘅飯局亦因而改期; 幸好食神嫂好友大圈亦相約食神嫂飯局賀壽, 於是亦叫埋師傅, 師傅當然出席啦; 是晚飯局亦決定以生蠔為主, 於是地點亦由大圈負責!師傅知道食神嫂對食一向都有要求, 可幸是次地點係由大圈揸旗, 亦簡接令師傅減少不少煩惱; 訂定晒位準時去到, 地方都非常舒服, 而店內亦唔多人, 未知是否世界盃嘅關係, 人齊後侍應就介紹下有咩生蠔, 講左一大堆學名, 師傅冇一個知點解, 加上師傅一向對生蠔都冇咩研究, 所以還是由食神嫂決定穩陣啲!於是就一口氣柯打左五款生蠔, 分別係有Africa Rock, Irish Gigas, Coffin Bay, L'ecaille同埋S.Pacific! 五款生蠔除左個名唔同外, 樣貌與身材真係冇咩分別, 經侍應建議下就如上述開始吃起, 坦白講師傅真係唔係好識點形容生蠔, 但可以好肯定係五款生蠔都十分新鮮, 而入口甜美; 當中有的海水味較濃, 所以入口較咸, 呢個味道師傅反而冇咁鍾意, 五款裡面師傅最欣賞係Africa Rock同埋Coffin Ba
師傅知道食神嫂對食一向都有要求, 可幸是次地點係由大圈揸旗, 亦簡接令師傅減少不少煩惱; 訂定晒位準時去到, 地方都非常舒服, 而店內亦唔多人, 未知是否世界盃嘅關係, 人齊後侍應就介紹下有咩生蠔, 講左一大堆學名, 師傅冇一個知點解, 加上師傅一向對生蠔都冇咩研究, 所以還是由食神嫂決定穩陣啲!
於是就一口氣柯打左五款生蠔, 分別係有Africa Rock, Irish Gigas, Coffin Bay, L'ecaille同埋S.Pacific! 五款生蠔除左個名唔同外, 樣貌與身材真係冇咩分別, 經侍應建議下就如上述開始吃起, 坦白講師傅真係唔係好識點形容生蠔, 但可以好肯定係五款生蠔都十分新鮮, 而入口甜美; 當中有的海水味較濃, 所以入口較咸, 呢個味道師傅反而冇咁鍾意, 五款裡面師傅最欣賞係Africa Rock同埋Coffin Bay, 皆因味道鮮甜得黎冇咁咸, 入口清新舒服, 就算唔落檸檬汁都唔覺有腥味, 非常之正!
經過第一輪急攻後, 加上食神嫂知道左師傅口味後, 決定再加單, 就揀左師傅較喜歡嘅兩款, 因此亦令師傅能再三回味! 之後大家還是意猶未盡, 再經侍應介紹再試多兩款, 有Scottish Rock同埋Black Pearl, 呢兩款生蠔亦一樣係十分新鮮, 味道甜美, 但唔知師傅係先入為主定係真係鍾意, 始終覺得Africa Rock同埋Coffin Bay啱師傅口味多d!
每人食左八隻生蠔後再柯打其他野食, 食神嫂就揀左Parma Ham Melon, 煙三文魚思撒沙律同埋龍蝦炒飯! 等左一陣Parma Ham Melon就有得食, Parma Ham真的切得好薄, 而味道亦唔太咸, 加埋Melon十分之香甜, 連腿帶瓜一放入口, 散發著Melon嘅香亦有Parma Ham嘅香, 味道混合埋一齊係少少咸少少甜, 幾好味呀; 而煙三文魚思撒沙律就真係十分之清, 生菜清爽, 三文魚亦煙得洽到好處, 唔會太黏口亦唔會太生, 配合埋思撒沙律汁食非常開胃惹味, 真的不錯呀; 最後係龍蝦炒飯, 龍蝦炒飯真係有半隻龍蝦, 龍蝦肉香甜爽口, 而炒飯雖然有少少汁, 但真的炒得甚香, 師傅真係唔識點樣形容, 不過龍蝦炒飯真的好好味!
總括黎講食物質素十分出色, 環境舒服清靜, 服務態度十分殷勤友善, 當然價錢亦屬偏貴, 埋單一千一百幾, 平均每人接近六舊水, 抵食程度係可以啦; 師傅做左咁多年人當然深明此道, “一分錢一分貨”呢個道理啦, 而呢間食店絕對做得到; 師傅對呢間食店嘅水準就十分滿意, 不知食神嫂認同冇呢? 希望食神嫂真的食得開心同過癮啦! 是次笑臉一定要比, 淨係食生蠔師傅都覺得值回票價, 再黎機會仍然存在, 不過就唔知幾時了!
張貼
