楊記麵家 (已結業)

是日終於到楊記一嚐他們的撈麵，叫咗：大地魚撈麵，油菜（只有腐乳通菜）。大地魚撈麵份量算細，香是很香，聽說大地魚末是現叫現烤，才搗碎放麵上的，可能是我唔識食，總覺得香係香，入口無咩特別的味道，甚至好像食緊Ｄ燒焦了的食物，亦無咩咸味，但跟麵那個湯就唔錯，像老火湯般，我成碗飲哂。那個腐乳通菜可能是因為做法沒過冷河，而是把新鮮菜直接灼熟放腐乳醬，所以放了一會后，菜會由綠色慢慢變偏黑，味道會有點澀，這跟他們沾仔記的一樣，埋單價錢２９元，不可苛求了。服務方面亦和價錢掛鉤，沒什麼服務可言，無多謝，無笑容，人肉落單機器，亦是這種價錢食店之特色。唯一唔係太喜歡嘅係，當時適逢員工用膳，某位男性員工非常大聲的在高談闊論，聲量比全場的食客聲音還大，看來員工的培訓真要再下點苦工。。。