鴻圖樓

營業中

休息中

今日去個朋友去佢屋企食飯，冇乜理由兩手空空，行過見到呢間酒樓，居然$89有兩個斬料，收銀姐姐話四點先至交來，保證滿意。今日星期五，孖寶套餐是燒腩仔同埋油雞，但係油雞啱啱賣晒，所以變咗白切雞。現在咁困難嘅環境之下，$90都唔使有兩個燒味外賣，其實真係好抵，幫到好多有需要幫助嘅人。味道方面唔好有要求，燒肉其實就冇乜味道，而且嗰啲皮有少少淋嘅感覺，如果拎嚟做豆腐火腩飯應該好好多。白切雞正正常常，唯一嘅缺點就係，師傅切得好大舊，如果細小小就好好多。夜晚返屋企，如果要斬料嘅話可以諗一諗，但係唔好期望好食，但亦都唔係差，總之明白一分錢一分貨的道理就可以。