美都餐室

營業中

休息中

介紹睇得多，點都要親自上去試下。去既時候係星期六下午，廟街未開始多人，去到亦唔難搵位。大熱天時梗係揀樓上有冷氣，上到去唔知係因為唔多人定真係有人打掃，環境好企理，台面亦好乾淨，比想像中好好多。叫左個焗豬扒飯同沙嗲鮮魷炒麵，豬扒飯份量唔算好大，豬扒唔肥，亦冇厚厚既一層麵粉，值得一贊。炒麵份量大好多，一人食未必食得晒，鮮魷好爽，麵亦好脆，不過沙嗲汁略嫌唔夠多。整體來講呢度同普通茶記好唔同，味道偏淡，亦較著重用料，比較適合女性客人。如果你要抵食夾大件，咁呢度就唔岩你喇。