紅 (已結業)

餐廳是韓國媽媽同一仔一女打理的。正宗韓國人。味道不錯特別係小菜。 當晚一行五人大概七點去食晚飯，間餐廳得五張桌子，一係就早到五點幾去到，一係就八點幾到九點先有位。我地七點去到，當然要等位。個日落雨加上有點冷，所以老闆見我地等太久，請我地飲燒酒叫左個四人餐，有牛，有豬，有雞，同不同既小菜。佢地會親自燒埋比你，可能時間關係，都可能係想服務得好少少啦。第一次燒全部牛燒燶左，佢成盆換過牛同雞都好好味，但豬腩肉切得太薄，燒完都變左柴。前菜可以不斷refill。仲食左海鮮薄餅，炒粉絲，泡菜湯。炒粉絲好好味，必試！仲有人參雞湯都好味。