影片
更多
2018-09-26
288 瀏覽
話銅鑼灣喺聚集美食之地，相信都無乜人反對，而呢區食廈又特別多，唔知何時興起食廈呢家嘢，大抵因為地鋪租金升到癲，做飲食嘅人就唯有「向上」發展，食廈漸漸應運而生。今趟就約咗親友嚟到「Milu Thai」，喺一間新開嘅泰菜館，都喺睇到食友嘅食評而走嚟一試。百樂中心差唔多成幢都做飲食，呢過百樂都知，緊忙時段超多人等電梯，所以，不妨走走樓梯吧，因為餐廳只喺位處二樓。走入店內，先喺「大廳」位置，放置嘅枱櫈異常少，晌吋金呎土嘅香港（仲要喺銅鑼灣區）簡直一反常態，實屬奇景。轉晌另一邊用餐區，就以卡位為主，而啲卡位寧舍闊落。此外，呢度無乜「滿天神佛」，取而代之喺啲色彩繽紛嘅牆畫，多添一份街頭藝術感。餐牌設計簡單，部份菜式圖文並茂，若以類別劃分，則有推介菜式、精選沙律、泰式小食、燒烤、主菜、海鮮、湯品、明爐、蔬菜、傳統主食及飲品，數數埋埋，都有近70款食物。泰式青木瓜沙律 $78早陣子先晌另一家泰式小店食過柚子鮮蝦沙律，加上親友唔喺好知泰式青木瓜喺點，所以，就先落單一客青木瓜沙律。其實個沙律好簡單，就喺青木瓜絲同自家調嘅醬汁，入口冰涼、清爽開胃，青木瓜絲非常爽脆，不過，個醬汁嘅辣勁好厲害，比起常食到嘅青木
百樂中心差唔多成幢都做飲食，呢過百樂都知，緊忙時段超多人等電梯，所以，不妨走走樓梯吧，因為餐廳只喺位處二樓。走入店內，先喺「大廳」位置，放置嘅枱櫈異常少，晌吋金呎土嘅香港（仲要喺銅鑼灣區）簡直一反常態，實屬奇景。
轉晌另一邊用餐區，就以卡位為主，而啲卡位寧舍闊落。
此外，呢度無乜「滿天神佛」，取而代之喺啲色彩繽紛嘅牆畫，多添一份街頭藝術感。
餐牌設計簡單，部份菜式圖文並茂，若以類別劃分，則有推介菜式、精選沙律、泰式小食、燒烤、主菜、海鮮、湯品、明爐、蔬菜、傳統主食及飲品，數數埋埋，都有近70款食物。
泰式青木瓜沙律 $78早陣子先晌另一家泰式小店食過柚子鮮蝦沙律，加上親友唔喺好知泰式青木瓜喺點，所以，就先落單一客青木瓜沙律。其實個沙律好簡單，就喺青木瓜絲同自家調嘅醬汁，入口冰涼、清爽開胃，青木瓜絲非常爽脆，不過，個醬汁嘅辣勁好厲害，比起常食到嘅青木瓜沙律辣一倍。
青咖哩軟殼蟹（配蒜蓉包） $128呢道喺店家嘅推介菜式，我哋本身都有打算點咖喱類菜式，咁啱親友亦喜歡食軟殼蟹，呢個青咖哩軟殼蟹就啱晒心水。啲咖喱仲會熱住食，而個咖喱香得嚟有層次，倒多少少椰奶更好，又唔會太辣，恰到好處，伴有香脆嘅蒜蓉包，沾上青咖喱真喺一流；軟殼蟹配咖喱亦好食，底下仲有好多蔬菜添，如蜜糖豆、西蘭花。
爆炸炒大蝦 $188個名好勁，其實就算睇埋英文唔知喺乜，問過吓喺搵唔少香料，如香茅、原條青胡椒粒去爆炒大頭蝦，想起都覺得惹味，大膽搏一搏試試。面面再鋪上炸好嘅金不換，令賣相幾吸大，啲大頭蝦開咗邊，方便食，不過，雖然睇落好大碟，但一客真喺唔多，用上兩隻大頭蝦而已，但肉質爽彈，好有香料味，裡面仲有啲炸香咗嘅腰果添。
芒果梳打 $28雖然都只不過喺糖漿溝梳打，但以水樽杯盛載，再溝出兩層色，點都好過就咁以普通水杯溝出單色梳打，呢家咪靚好多囉。味道就唔會有太多特別，唔過甜，夠清爽，親友話已經收貨。
龍眼冰 $28大大杯嘅龍眼冰，首要喺夠清甜蜜潤，眼前呢杯就OK嘞，而且，裡面有好多龍眼肉，飲吓、食吓，為火辣嘅食物降吓溫，爽正。
餐後店主都有向客人詢問吓意見，因為新開關係，佢話仲有唔少地方要調整一下，其實食物都唔錯嘅，服務亦好貼心，建議就唔講得，但菜式旁加啲辣椒公仔俾客人參考吓個辣度，就理想啲，因為道青木瓜沙律真喺堅辣喔。
張貼
