影片
更多
2022-12-02
445 瀏覽
說到中環威靈頓街，以往令我第一時間諗起嘅係出名食燒鵝嘅鏞記又或是昔日嘅蘭桂坊照妖鏡翠華。但是日約上友人黎食呢間日式炸豬扒餐廳後，以後說起威靈頓街，好可能係我腦海浮現嘅，會係呢間暫時係我心目中No.1嘅炸豬扒店。呢間新餐廳價錢唔係平，亦無見到咩優惠或宣傳，但依然不乏人流，皆因佢同極難book位嘅著名天婦羅Omekase店Tempura Jiro屬一間公司，本身就有好多忠實客仔。.🍴晚市Set配有3款唔同嘅前菜，貌相精緻不在話下，食材配搭亦甚具心思。青瓜昆布帶濃濃麻油香氣，薑汁豬柳表面撒上少許薑蔥，則有少許中菜感覺。最意想不到嘅卻是看似風馬牛不相及嘅Cream cheese蘿蔔，入口帶有少許煙熏香氣，非常特別。緊接前菜嘅係吉列蝦、吉列蟹鉗、日本番茄同迷你日本蔬菜火鍋🥬等等。兩款吉列海鮮均非常鮮甜，大大隻嘅飽滿蟹鉗，配搭自家製足料蛋香他他醬，令人意猶未盡。日本番茄就加入咗啫喱醋，酸甜開胃。蔬菜火鍋就係意式style，以🥛牛奶麵豉為主調配而成嘅fusion意式醬汁，配搭顏色繽紛嘅新鮮日本蔬菜，例如紅心蘿蔔、日本番薯、青椒等等，好似芝士火鍋咁食，玩味十足。食曬之後，是晚主角就開始陸續登場。圓柱體
說到中環威靈頓街，以往令我第一時間諗起嘅係出名食燒鵝嘅鏞記又或是昔日嘅蘭桂坊照妖鏡翠華。但是日約上友人黎食呢間日式炸豬扒餐廳後，以後說起威靈頓街，好可能係我腦海浮現嘅，會係呢間暫時係我心目中No.1嘅炸豬扒店。
呢間新餐廳價錢唔係平，亦無見到咩優惠或宣傳，但依然不乏人流，皆因佢同極難book位嘅著名天婦羅Omekase店Tempura Jiro屬一間公司，本身就有好多忠實客仔。
.
🍴晚市Set配有3款唔同嘅前菜，貌相精緻不在話下，食材配搭亦甚具心思。青瓜昆布帶濃濃麻油香氣，薑汁豬柳表面撒上少許薑蔥，則有少許中菜感覺。最意想不到嘅卻是看似風馬牛不相及嘅Cream cheese蘿蔔，入口帶有少許煙熏香氣，非常特別。
緊接前菜嘅係吉列蝦、吉列蟹鉗、日本番茄同迷你日本蔬菜火鍋🥬等等。兩款吉列海鮮均非常鮮甜，大大隻嘅飽滿蟹鉗，配搭自家製足料蛋香他他醬，令人意猶未盡。日本番茄就加入咗啫喱醋，酸甜開胃。
蔬菜火鍋就係意式style，以🥛牛奶麵豉為主調配而成嘅fusion意式醬汁，配搭顏色繽紛嘅新鮮日本蔬菜，例如紅心蘿蔔、日本番薯、青椒等等，好似芝士火鍋咁食，玩味十足。
食曬之後，是晚主角就開始陸續登場。圓柱體嘅卷卷北海道豬柳，兩塊佐賀豬扒，再加埋限量嘅吉列免治豬，全部經由低溫慢炸而成，外面嘅炸層香酥薄脆，幾乎一碰牙齒就立馬細碎化開，毫無平日炸豬扒成日出現嘅炸粉扎口情況。內層嘅豬肉則是厚實中不失柔嫩，濕潤多汁，且肉汁帶濃濃肉脂香氣，重重油分嘅肉質加上控制得剛剛好嘅熟度，食落真心係一口一感動，第一次係香港食到咁高質嘅吉列豬。另外，搭配豬扒嘅醬料款式非常多，例如有黑松露鹽、芝士鹽、岩鹽、一味鹽（辣）、檸檬🍋、醬油濃汁、芥末醬油、他他醬等等，將塊塊本來就近乎完美嘅豬扒，再多重演繹得淋漓盡致。
✨PS：“16穀米/日本米🍚、白麵豉湯、日本椰菜” - 全部任意添加
最後俾大家睇下聚精會神工作嘅師傅，日本食物高質真係有原因，成餐飯一路望住師傅炸豬扒，每一個細節都極其細心同認真，真心就係呢d極致嘅專注，先炸到咁高質嘅豬扒。
張貼
