影片
更多
2024-05-26
229 瀏覽
喺佐敦學完嘢想揀間平平哋嘅食晚餐，去咗熊貓小雲吞，主打川式美食，當然唔少得小雲吞本人啦😆所以我諗都唔諗就試咗佢嘅招牌，雲吞可以雙拼，揀咗粟米、鮮蝦雲吞，佢哋啲雲吞細細粒，可以一啖一粒😆都幾足料，一碗碗20粒份量啱啱好。湯底有辣有唔辣，我哋要咗蕃茄魚湯，味道香濃🍅🍅朋友叫咗碗肥腸米線🍜滷水大腸都好入味，配重慶酸辣魚湯，唔算好辣，好開胃。額外加咗雞絲🐥都幾嫩滑。小食方面加多咗個手工涼皮，秘製醬汁有少少麻醬、醋、辣油，都好開胃，夏天食一流。涼皮嘅質感有少少似豆皮，唔係透明嗰種涼皮，配埋脆豆、青瓜絲等等口感都唔錯。最後推介，紅糖糍粑！外皮炸得香脆，口感軟糯，都幾好食🤤每張枱都有菜脯，加落麵好惹味好好食，走個陣都買左樽返屋企😛🔸雙拼雲吞套餐粟米、鮮蝦、番茄魚湯 🔸肥腸米線 重慶酸辣魚湯 BB辣🔸手工涼皮🔸紅糖糍粑📍#熊貓小雲吞 (#佐敦美食)#佐敦 彌敦道219號莊士倫敦廣場地下G04-G05號舖
都幾足料，一碗碗20粒份量啱啱好。湯底有辣有唔辣，我哋要咗蕃茄魚湯，味道香濃🍅🍅
朋友叫咗碗肥腸米線🍜
滷水大腸都好入味，配重慶酸辣魚湯，唔算好辣，好開胃。額外加咗雞絲🐥都幾嫩滑。
小食方面加多咗個手工涼皮，秘製醬汁有少少麻醬、醋、辣油，都好開胃，夏天食一流。涼皮嘅質感有少少似豆皮，唔係透明嗰種涼皮，配埋脆豆、青瓜絲等等口感都唔錯。
最後推介，紅糖糍粑！外皮炸得香脆，口感軟糯，都幾好食🤤
每張枱都有菜脯，加落麵好惹味好好食，走個陣都買左樽返屋企😛
🔸雙拼雲吞套餐
粟米、鮮蝦、番茄魚湯
🔸肥腸米線 重慶酸辣魚湯 BB辣
🔸手工涼皮
🔸紅糖糍粑
📍#熊貓小雲吞 (#佐敦美食)
#佐敦 彌敦道219號莊士倫敦廣場地下G04-G05號舖
張貼
