鮨石 (已結業)

 Omasake真係會令人入坑。呢個體驗太正,食完會想再食。呢間有大概十六道菜式。第一道已經好靚,好似拆禮物咁,有北海道栗米、無花果同埋螺,個螺好入味。粒貝好好食,加埋wasibi醬一流。秋刀魚好鮮,一d都唔腥。白子都係唔腥而且好補身。賣相仲好得。八爪魚既煮法令佢好入味,口感特別。毛蟹燒賣真係好創新,食到啖啖蟹肉,好豪華,個皮好薄,好好食。炸拖羅三文治,拖羅外脆內軟,食到刺身既口感。中場有d漬物比我清清個口。d漬物都好好食。金目鯛、池魚既口感非常之好,食過就返唔到轉頭。甜品係好正既焙茶,超濃茶味,仲有焦糖口感既日本甜薯。兩者好夾,好好食。