荔苑茶餐廳 (已結業)

由於想食個下午茶，但又唔想食快餐店，無乜選擇之下，黎左呢間茶記。叫左個常餐，肉丁煎蛋麵，仲有火腿奄列加塊多士。茶記既服務態度唔好係預左既，但係點解偏偏要係我側邊係咁掃地，所有塵飛晒落食物度呀！肉丁就當然係罐頭架啦，正常味道啦，塊煎蛋就唔合格，蛋黃超細之餘仲要熟晒，仲要超油。公仔麵唔係一丁，但味道還可以。火腿奄列好油利，蛋滑完全係因為多油。多士薄之餘，唔脆口加上無乜牛油香。成個常餐下午茶盛惠差不多40蚊，茶記加如此質素，30蚊都俾多左。