一君士多 (已結業)

聽聞呢間係前童星開既車仔麵店,又近我返學果頭,就黎左食啦!打頭陣既係富豪麵,好豪華架,有鮑魚,MUSHROOMS,生菜,養顏既花膠,自己再加左豆卜同紅腸,豆卜紅腸炸左,香口好多,花膠份量都多,有好幾塊架,個豬骨湯底好濃味,銀針粉份量多,真心好抵食。我仲加左個SPICY既牛柏葉添,其實唔係真係好SPICY,有入味,叫左杯紅豆冰,D椰汁中和左D SPICINESS,唔錯金錯!甜品我叫左好有回憶既香蕉成熟船,仲有個小既傘同WAFFLE,好有童年既感覺,雪糕有4隻味選,我選了芒果同朱古力味,2隻都好濃味,好正。食完先上網睇到香蕉成熟時係店主既代表作,原來咁有意思。我都係埋單時先見到店主,不過SHYSHY冇要求合照。不過佢好親切呀!