金香泰菜

營業中

休息中

今日出元朗按摩，順便去食個下午茶先。行咗幾間都冇乜啱心水想食，之後去到金香見到下午茶餐有泰式湯粉及炒粉麵飯，就入去食啦。我揀咗下午茶湯粉餐，香茅豬扒配冬陰功米粉、凍咖啡，凍咖啡咖啡味濃👍🏻香茅豬扒冬陰功米粉👉🏻香茅豬扒冇香茅味，不過叫做唔係又乾又硬，但係真係冇豬扒味🤦🏻‍♀️冬陰功湯米粉好辣，真係一味得個辣字，好多辣椒好多辣椒粒，究竟佢想要冬陰功定辣椒湯米粉呢？🤦🏻‍♀️米粉質地正正常常，份量一般，唯一要讚就係冬陰功湯裏面有三嚿蕃茄。凍咖啡係要加$3 ，所以個餐係$45。以$45嚟講，唔可以話好好食，因為一味得個辣字，會唔會再有？下次而家都未諗到，但係可以俾多次機會嘅試其他嘢囉。