一品螞蟻 (已結業)

週末剛巧路經K11，聽聞有間新嘅一品螞蟻開業，於是乎順便吃過快嘅下午茶。嚟到現場，餐廳佈置成間玻璃屋一樣，裏頭有銀色掛牆相假、黑色梳化等等裝飾，有些少高檔次意大利餐廳feel。一品螞蟻其實同紅螞蟻係同屬一個集團，食神頗喜歡佢哋嘅凍奶茶，佢雖然冇茶餐廳果D咁香咁滑，但勝在夠曬多奶！ 葡國腸煙鴨胸肉雜錦炒飯 (Grade: 2.5/5)炒飯材料有葡國腸、煙鴨胸肉、雞肉、蔬菜等等，炒得都算香口，味道不過不失。不過可能肚子太餓之下亦總算吃得開懷。 日本淡咖哩汁燴牛肉蛋包飯 (Grade: 2/5)淡咖哩汁一點都不清淡，相反調較得濃同相對鹹，食完覺得好口渴。 蜜糖雞翼 (Grade: 1.5/5)蜜糖醬汁好稀，薄薄一浸鋪響雞翼上面，汁還汁，雞翼還雞翼，失敗！ 燒汁牛脷粒 (Grade: 2.5/5)牛脷粒本身燒得外脆而內軟，但牛脷那種獨特嘅蘇味完全無，味道感覺好冷藏，即使用咗燒汁都帶唔出味道嚟，如果做鹽燒反而可能效果會較好。 總括而言食物質素馬虎，相比姊妹店紅螞蟻還要差，相信同價之下，在K11可以找到更好嘅選擇。