影片
更多
2020-01-04
488 瀏覽
皆因すき家地段就腳，一開張就已經日日有好多人排長龍，見到咁嘅畫面，經常經過嘅我都唔想咁急幫襯住，堂食更免問！前幾日經過，排外賣條龍都只係10個人左右，咁心諗頂多2、3個字啦，外賣應該好快嘅！點知每次都有位日藉店員安排下只放2-3個人入去Order外賣，每次我都諗應該下次會放多啲人同埋都等咗咁耐+唔爭在嘅心理情況下，我足足排咗個半鐘去買呢次外賣。當我排到見到店舖內狀況，就深深明白點解呢間舖會大排長龍，舖內目測有2位姐姐+2位日籍員工，手腳之慢你見到就會深深體會，當啲堂食食客已離座，見到佢哋成4個字都冇人執檯，見到店員們行嚟行去真係唔知佢哋做乜！兩位日藉店員唔係成日見人，直頭係半間舖已離座，都安排唔到喺外面排緊隊想堂食嘅客人入座有一位排隊頭嘅男士話佢自己排咗2個幾鐘！好啦終於入到去Order，落單小姐服務同速度尚算正常，而落單加等餐只需大概10-15分鐘已可取餐（可能當時放入舖頭時我第一個，唔知排我後面又入到去同一輪Order嘅客人會等幾耐）出門口時仍然見到排咗2個幾鐘男士乾等緊，而店內係有好多未有顧客而又未執嘅檯。當日外賣有：-燒肉飯（中）味道同牛肉飯認真唔同，本人喜歡多啲牛肉飯（中）同
前幾日經過，排外賣條龍都只係10個人左右，咁心諗頂多2、3個字啦，外賣應該好快嘅！點知每次都有位日藉店員安排下只放2-3個人入去Order外賣，每次我都諗應該下次會放多啲人同埋都等咗咁耐+唔爭在嘅心理情況下，我足足排咗個半鐘去買呢次外賣。當我排到見到店舖內狀況，就深深明白點解呢間舖會大排長龍，舖內目測有2位姐姐+2位日籍員工，手腳之慢你見到就會深深體會，當啲堂食食客已離座，見到佢哋成4個字都冇人執檯，見到店員們行嚟行去真係唔知佢哋做乜！兩位日藉店員唔係成日見人，直頭係半間舖已離座，都安排唔到喺外面排緊隊想堂食嘅客人入座有一位排隊頭嘅男士話佢自己排咗2個幾鐘！
好啦終於入到去Order，落單小姐服務同速度尚算正常，而落單加等餐只需大概10-15分鐘已可取餐（可能當時放入舖頭時我第一個，唔知排我後面又入到去同一輪Order嘅客人會等幾耐）出門口時仍然見到排咗2個幾鐘男士乾等緊，而店內係有好多未有顧客而又未執嘅檯。
當日外賣有：-
燒肉飯（中）味道同牛肉飯認真唔同，本人喜歡多啲
牛肉飯（中）同某某牛肉飯差別唔大
炸雞10件，唯一食到喺日本幫襯時嘅味道，皮脆脆，肉嫩滑同肉汁充足！
我諗再要咁嘅等候時間食呢啲快餐類食品，應該會冇下次。
炸雞
17 瀏覽
0 讚好
0 留言
炸雞
28 瀏覽
0 讚好
0 留言
張貼
