きっとかつ Kitto Katsu

營業中

休息中

要嚟觀塘整電話，梗係要試下工廠區美食。唔想等位，刻意避開食飯時間，原來都有人好似我咁，食晏啲。搵呢間因為個千層吉列豚，特調咖啡。套餐包湯和飲品，有加一服務。店內有一幅牆畫上富士山，電車，好有風味。🍖千層吉列豚(芝士流心) $88炸得好嘅吉列一啲都唔油，食落乾爽脆。千層豚肉唔乾有肉汁，入面有流心芝士，外面又有😍。先試原味，不錯；再試炸豬扒醬汁，更喜歡。🍜秘製咖哩湯烏冬手打烏冬煙韌，秘製咖哩湯唔係一般偏甜嘅日式咖哩，微辣creamy。🥣是日餐湯周打蜆湯，creamy，最特別係面頭嘅魚仔餅，童年回憶。🍹木漏れ日+$12Espresso倒入柚子梳打中，面層形成好似啤酒嘅氣泡，清新好飲，呢杯叫perfect days，真係好啱。🥩紐西蘭牛側腹排黑椒汁  $168脂肪較少，肉味香濃，中間微粉紅，配上好日式嘅黑椒汁，濃郁好味。🍲秘製日式咖哩飯唔係一般偏甜日式咖哩，微辣，開胃。🍹夕焼け+$12Espresso配鮮橙汁，飲得出鮮榨橙汁微微嘅澀味，酸甜清爽。