影片
更多
2024-02-25
48 瀏覽
一個人食野真係好自在，唔使同人傾計，慢慢咀嚼，慢慢享受。但人係群體動物，一齊食飯，談天說地，所得到的歡愉又唔喺單純食物可以比到。呢間餐廳名改得好，一喜，一起食飯， 一齊分享歡喜。而我今次搵到志同道合一齊中意食野嘅朋友一齊黎食，更加可以話係喜上加喜。(搞到唱新年歌咁) 🍖影相最中意影大堆頭，呢度嘅配料，充足又新鮮，而且分類清晰，急凍嘅丸類，腸類放係一邊，另一邊就係切好左嘅瓜類或者菇菜，比如窩筍粟米蕃茄等等。然後大葉既蔬菜會放喺雪櫃，令佢更加保持新鮮。以上安排嘅好處，就係令人覺得非常齊整，井井有條。我覺得咁樣客人喺夾野既時候，都會因為咁樣而格外小心，提高整體既衛生情況。 🍖鍋底方面，我地揀左花膠雞同埋胡椒豬肚，我見大部份都係揀一樣一鍋，我地問店員有冇傳統駌鴦鍋，諗住有氣氛d，原來真係有，我覺得係食材以外，呢一個offer，亦都會直接構成客人選擇呢度嘅原因。 🍖我地揀左簡單嘅美國牛肉b set，佢有海鮮雞肉豬肉可以選擇，但我地全程都無叫，因為牛肉已經好好味，橫切面大大塊，厚薄適中，而且唔會痴埋，又唔會散，證明解凍做得好好，安排足夠時間處理切割，牛味亦都濃郁。 🍺✨️哩度仲有自己直接係啤酒機斟嘅
🍖影相最中意影大堆頭，呢度嘅配料，充足又新鮮，而且分類清晰，急凍嘅丸類，腸類放係一邊，另一邊就係切好左嘅瓜類或者菇菜，比如窩筍粟米蕃茄等等。然後大葉既蔬菜會放喺雪櫃，令佢更加保持新鮮。以上安排嘅好處，就係令人覺得非常齊整，井井有條。我覺得咁樣客人喺夾野既時候，都會因為咁樣而格外小心，提高整體既衛生情況。
🍖鍋底方面，我地揀左花膠雞同埋胡椒豬肚，我見大部份都係揀一樣一鍋，我地問店員有冇傳統駌鴦鍋，諗住有氣氛d，原來真係有，我覺得係食材以外，呢一個offer，亦都會直接構成客人選擇呢度嘅原因。
🍖我地揀左簡單嘅美國牛肉b set，佢有海鮮雞肉豬肉可以選擇，但我地全程都無叫，因為牛肉已經好好味，橫切面大大塊，厚薄適中，而且唔會痴埋，又唔會散，證明解凍做得好好，安排足夠時間處理切割，牛味亦都濃郁。
🍺✨️哩度仲有自己直接係啤酒機斟嘅啤酒，由於食甜品嘅時候先見到，唯有下次過來先再飲。不過甜品同樣大堆頭，雪糕同蛋糕嘅口味真係超多。
無論點都好，食野同家人知己相聚，一起食，一喜笑，就係咁簡單！
張貼
