影片
更多
2020-02-12
139 瀏覽
銅鑼灣嘅食店多不勝數，種類更加係諗到嘅都有，今日就試咗餐印尼菜，平時呢啲鋪頭我就唔會選擇入去，今次係有人介紹就試吓啦，估唔到又係唔錯嘅經驗喎！鋪頭唔係好大，只有七張四人枱，都有啲東南亞特色嘅裝修，同時又貼中國傳統揮春，所以都幾fusion.招呼我嘅係一個識講中文嘅印尼姐姐，感覺好Nice，但喺鋪頭都見到另一個香港人似係老闆。菜牌有齊中文和印尼文，選擇都幾多，因為好少食印尼菜所以都好多嘢想試，最後叫咗個「印尼四大天王」（$78）、「石栗馬拉盞炒通菜」（ $78 ）、「白鱔沙嗲（三串）」（ $98 ）同一杯「碟豆花特飲」（ $28 ）。四大天王原來係牛肉、雞、沙甸魚和雜菜，雜菜有蘿蔔絲、芽菜、椰菜絲、豆角等等撈左醬汁有好輕微嘅辣，牛肉就似串燒嗰啲沙嗲牛，係牛腩嚟嘅都幾腍，雞係似海南雞，沙甸魚就係平時嘅罐頭沙甸魚囉，加咗兩塊番茄咁，味道都OK，感覺相當地道，一食就諗起我去柬埔寨、泰國短宣嘅日子。馬拉盞炒通菜好惹味，唔會辣，仲有好多好似炸蝦乾咁樣嘅嘢，食落趣卜卜，整碟好好味。串燒沙嗲白鱔係第一次食，因為餐牌上寫着必食推介，所以就決定一試，一上枱已經聞到好香，每一串都
鋪頭唔係好大，只有七張四人枱，都有啲東南亞特色嘅裝修，同時又貼中國傳統揮春，所以都幾fusion.招呼我嘅係一個識講中文嘅印尼姐姐，感覺好Nice，但喺鋪頭都見到另一個香港人似係老闆。
菜牌有齊中文和印尼文，選擇都幾多，因為好少食印尼菜所以都好多嘢想試，最後叫咗個「印尼四大天王」（$78）、「石栗馬拉盞炒通菜」（ $78 ）、「白鱔沙嗲（三串）」（ $98 ）同一杯「碟豆花特飲」（ $28 ）。
四大天王原來係牛肉、雞、沙甸魚和雜菜，雜菜有蘿蔔絲、芽菜、椰菜絲、豆角等等撈左醬汁有好輕微嘅辣，牛肉就似串燒嗰啲沙嗲牛，係牛腩嚟嘅都幾腍，雞係似海南雞，沙甸魚就係平時嘅罐頭沙甸魚囉，加咗兩塊番茄咁，味道都OK，感覺相當地道，一食就諗起我去柬埔寨、泰國短宣嘅日子。
印尼四大天王
$78
25 瀏覽
0 讚好
0 留言
馬拉盞炒通菜好惹味，唔會辣，仲有好多好似炸蝦乾咁樣嘅嘢，食落趣卜卜，整碟好好味。
石栗馬拉盞炒通菜
$78
27 瀏覽
0 讚好
0 留言
串燒沙嗲白鱔係第一次食，因為餐牌上寫着必食推介，所以就決定一試，一上枱已經聞到好香，每一串都幾大條，個汁有啲似鰻魚汁，索晒啲味，應該係即叫即燒，所以熱辣辣，真係好好味。其實佢另外有附上個辣椒汁，不過我就唔點啦。
白鱔串燒
$98
19 瀏覽
0 讚好
0 留言
至於個碟豆花特飲，賣相都幾靚，同埋都幾大杯，不過唔係好飲到碟豆花嘅味（定係碟豆花本身係冇乜味？）其實就係椰汁加碟豆花啫喱狀嘅條條，都OK嘅！
碟豆花特飲
$28
9 瀏覽
0 讚好
0 留言
鋪頭門口其實仲有得買斑蘭蛋糕同其他外賣，一路食飯一路都見好多路人幫襯呢！
張貼
