中村藤吉香港店 (已結業)

中村藤吉係香港開咗好耐，之前只試過美麗華地鋪的雪糕，今次終於有時間一試其他。晚上8點半去到，唔洗排隊。因為目標係抹茶啫喱，但每日數量有限，所以係門口問咗仲有先入座。坐低咗佢會提你，每人收$10茶錢 + 每人都要叫一樣食品/飲品。我地叫咗2個都係抹茶啫喱，分別一個係軟雪糕，另一個係雪糕球。食物到，2個的內容其實一樣，都有抹茶啫喱、紅豆蓉、丸子。抹茶啫喱滑溜溜，帶有一絲絲抹茶香味，唔錯。紅豆蓉則太甜，蓋過咗其他食物味道，所以食咗一啖我就放棄了，專心品嚐其他。抹茶軟雪糕同抹茶雪糕球相比，前者比較淡，後者香濃好多！一啖入面同時放雪糕+啫喱，好好味，好快就清晒。軟雪糕配的啫喱比較少，唔夠喉，下次再黎會再叫抹茶啫喱雪糕球！