棽粵 (裝修中)

返咗一個星期工，今日終於到happy Friday，約咗阿媽去位於銅鑼灣嘅一間高級食堂棽粵食中國菜，食完真係滿肚子嘅幸福👍🏻妙齡乳鴿 乳鴿居然都有分適用嘅年紀，端上枱嘅時候外皮反光，咬落香脆，肉質同樣夠嫩👍🏻百花炸釀鮮蟹鉗 蟹鉗價錢不菲，但係啖啖真材實料，一絲絲嘅蟹肉蘊藏於當中，咬落滿是實在，不油不膩，鮮味不凡，可以點上配備嘅辣醬，更加滋味👍🏻花雕蛋的蒸肉蟹鉗 蟹鉗轉用蒸嘅方法更加能夠釋出佢原先嘅鮮甜，加入咗花雕，清清嘅酒味起到提鮮作用。👍🏻釀焗鮮蟹蓋 當然要品嚐埋佢嘅蟹蓋，釀焗嘅配料非常之多，食落口感豐富，調味適中，最特別係用上一個蟹嘅造型器皿去上碟，相當用心。👍🏻竹笙菜苗卷 竹笙屬於爽脆嘅食品，卷上菜苗猶如一凸一凹嘅感覺，味道清爽👍🏻脆皮燒腩仔 絕對稱得上為滿分嘅燒味傑作，燒腩仔皮脆肉嫩，脂肪比例適中，咬落脆卜卜亦無油感，點上芥辣醬真係最佳配搭。👍🏻花膠燴雞絲羹呢個湯羹真係好補好好味，花膠非常之軟腍，配合埋一條條雞絲，加埋紅醋食落鹹鹹酸酸，非常開胃。👍🏻熱情普柚除咗飲中國嘅菊花茶之外，仲叫咗一杯凍飲。你杯飲品係用熱情果同埋柚子調配而成嘅普洱茶。茶味十足，估唔到原來凍嘅普洱一樣咁好飲