Cocina 3 Tapas Restaurant & Bar (已結業)

大角咀係一個美食綠洲，有連鎖餐廳，有街頭小店，有各式各樣中西日韓不同價位美食，任君選擇。從新界大西北遠赴奧海城同朋友聚餐，選擇左一間位處第一期比較遠離商場嘅西班牙菜。望入去好神袐，樓底超高，好有空間感！尤如置身西式古堡食飯安排坐係卡座，可以慢慢傾計食飯~一坐底就比左兩個餐前小食：墨西哥粟米片及麵包餐廳提供嘅二人套餐好吸引，對於有選擇困難嘅我，唔洗煩！先嚟餐湯：番茄雜菜湯，自然嘅番茄酸味及蔬菜味道，好開胃。前菜我地選擇左香煎蟹餅，聽講好多人推介。兩大個好原肉，入面充滿蟹肉鮮味，啖啖都食到足料蟹肉，炸到唔過份，唔會太油膩。主菜好快就上檯，點左海鮮飯及豬腩肉。西班牙海鮮飯有青口，帶子，西班牙臘腸，非常惹味，兩個人份量真係食唔晒。烤豬腩肉肥瘦各一半，食落唔覺膩，入口即化，有一種滿足又邪惡嘅感覺拌碟嘅蔬菜烤到剛剛好，新鮮又香口。最後上埋是日甜品，係我最愛嘅焦糖燉蛋，入口非常creamy～～～ 一個人都可以KO到跟碟上仲有朱古力味極之濃厚嘅Brownie，朱古力愛好者必定愛上，口感實的的，呢個係驚喜。