影片
更多
2018-02-28
2879 瀏覽
是晚公司開年飯，喺太湖擺咗幾圍，未出發已經有3個同事分別同我講d嘢好好味，我心諗例牌”去飲”食物，會有幾好食？一去到酒樓已經見到大大塊易拉架寫住前米芝蓮推介餐廳，即刻睇吓今晚嘅餐牌，再google吓有咩邊味出名！😂第一碟「脆皮即燒BB豬」，個餸名同呢間傳統舊式裝潢嘅酒家完全唔襯，不過賣相一流，急不及待要夾返件！方型切法啱啱好一啖放入口，外皮燒到脆卜卜，仲有甜甜嘅燒汁味，連甜醬都唔洗點！乳豬不油不膩，不太肥，我食咗三件都唔覺膩😋緊接上枱嘅係「三蔥野菌爆鮮蟹鉗」，比平時食嘅炸蟹鉗煮法更有誠意，蟹肉新鮮甜美，一絲絲蟹肉口感比炸蟹鉗嘅雪藏味同咬口贏成條街！之後到出名嘅「花膠姫松茸燉螺頭湯」，冇味精得嚟夠火喉，非常鮮甜！到咗最期待嘅「蠔皇原隻36頭鮑」上枱，湯匙咁大隻嘅鮑魚肉質爽甜，冬菇煮到入口即溶，墊底嘅生菜吸晒濃濃嘅蠔汁，係我認為全晚最美味嘅菜色！得獎名菜「金湯焗加拿大龍蝦配煎米粉底」，一人分到半隻之餘，仲另外斬件上多一碟，份量好似多過菜單上寫嘅六隻份。龍蝦肉夠晒新鮮彈牙，又係要食多兩件先夠喉🤤最誇張係另上一碟煎到餅狀嘅米粉，再由侍應即場倒落金色浮誇大碟的龍蝦汁上浸汁食，米粉餅浸汁之後有少少
一去到酒樓已經見到大大塊易拉架寫住前米芝蓮推介餐廳，即刻睇吓今晚嘅餐牌，再google吓有咩邊味出名！😂
第一碟「脆皮即燒BB豬」，個餸名同呢間傳統舊式裝潢嘅酒家完全唔襯，不過賣相一流，急不及待要夾返件！
方型切法啱啱好一啖放入口，外皮燒到脆卜卜，仲有甜甜嘅燒汁味，連甜醬都唔洗點！乳豬不油不膩，不太肥，我食咗三件都唔覺膩😋
緊接上枱嘅係「三蔥野菌爆鮮蟹鉗」，比平時食嘅炸蟹鉗煮法更有誠意，蟹肉新鮮甜美，一絲絲蟹肉口感比炸蟹鉗嘅雪藏味同咬口贏成條街！
之後到出名嘅「花膠姫松茸燉螺頭湯」，冇味精得嚟夠火喉，非常鮮甜！
到咗最期待嘅「蠔皇原隻36頭鮑」上枱，湯匙咁大隻嘅鮑魚肉質爽甜，冬菇煮到入口即溶，墊底嘅生菜吸晒濃濃嘅蠔汁，係我認為全晚最美味嘅菜色！
得獎名菜「金湯焗加拿大龍蝦配煎米粉底」，一人分到半隻之餘，仲另外斬件上多一碟，份量好似多過菜單上寫嘅六隻份。龍蝦肉夠晒新鮮彈牙，又係要食多兩件先夠喉🤤
最誇張係另上一碟煎到餅狀嘅米粉，再由侍應即場倒落金色浮誇大碟的龍蝦汁上浸汁食，米粉餅浸汁之後有少少散開，
相信係因為米粉餅索晒d汁！食落米粉餅唔係脆嘅，似返濕炒米粉！仲有碟金獎「芝麻鹽焗雞」，白芝麻佈滿雞上，雞皮炸到脆卜卜，好味到相都唔記得影！
美點雙輝係蛋散同煎堆，蛋散夠脆之餘仲入口即溶，唯一挑剔嘅地方係個汁只係淋喺面，令下面嘅蛋散唔夠汁，有d乾！
煎堆炸得脆但唔會好油，入面有白蓮榕，好味又唔膩！
整體嚟講今晚所有餸都非常出色，令人難忘同回味！絕對對得住米芝蓮呢個名涵！
張貼
