民華餐廳 (已結業)

翻到黎以前讀書時既堅尼地城，當然食最地道既茶記。一出地鐵站B出口就見到一排餐廳，行兩步就見到呢間民華餐廳。黎到就見到餐牌上既常餐，價錢$41幾吸引，已經包通粉、多士、雙蛋、咖啡或茶。我揀左番茄牛肉通粉。勁大碗，入面都幾多牛肉，仲有粒粒番茄，番茄湯底超濃郁。多士炕底夠曬脆，仲幾厚身，中間搽滿牛油，超正，決定加錢叫多份西多士。西多士賣相夠曬吸引。切開九宮格咁方便食。一樣超厚身，面頭可以揀落煉奶或蜜糖，我揀左煉奶。每啖都超滿足，因為真係超大塊，而且又唔會覺得太油膩。