影片
更多
2022-06-17
375 瀏覽
之前經過依間餐廳已經見到裝修都幾decent，最近公司team lunch就揀左嚟依度食。我地一行十幾人，雖然無得一張大長檯坐哂，但都係安排左相連嘅座位，我覺得坐得幾寬敞。而且餐廳樓底高，比人嘅氛圍都幾舒服。中午有3-courses lunch set可以揀，價錢由$100幾至$200幾不等。不過難得嚟依度食，我地全部人都揀左食牛扒，點左個 Steak & Frites ($265)，starter 可以揀餐湯或者沙律，另外飲品同埋甜品就二選一。今次嘅餐湯係番茄湯，味道非常濃郁，而且仲有啲麵包粒topping同埋青口，我自己覺得都幾啱我口味，同埋分量都頗大碗。主菜牛排220g，擺碟睇落都唔錯，有埋沙律菜同薯條拌碟，成碟分量比我想像中多，最後薯條食唔哂。牛排叫左5成熟，切開裡面仲有啲粉粉地，我自己覺得煮得尚算啱啱好，好彩無overcooked。但同事食嗰碟話覺得煮耐左少少，有啲後悔無叫3成熟。我覺得牛排煮得幾淋，啲肉唔會好韌，而且容易入口食落亦有肉汁，味道唔錯。食完主菜就到甜品，見是日甜品係抹茶芝士蛋糕好似幾吸引，本身以為會好細舊，但嚟到發現比想像中大件。不過可惜食落大失所望，質感偏似m
中午有3-courses lunch set可以揀，價錢由$100幾至$200幾不等。不過難得嚟依度食，我地全部人都揀左食牛扒，點左個 Steak & Frites ($265)，starter 可以揀餐湯或者沙律，另外飲品同埋甜品就二選一。
今次嘅餐湯係番茄湯，味道非常濃郁，而且仲有啲麵包粒topping同埋青口，我自己覺得都幾啱我口味，同埋分量都頗大碗。
主菜牛排220g，擺碟睇落都唔錯，有埋沙律菜同薯條拌碟，成碟分量比我想像中多，最後薯條食唔哂。牛排叫左5成熟，切開裡面仲有啲粉粉地，我自己覺得煮得尚算啱啱好，好彩無overcooked。但同事食嗰碟話覺得煮耐左少少，有啲後悔無叫3成熟。我覺得牛排煮得幾淋，啲肉唔會好韌，而且容易入口食落亦有肉汁，味道唔錯。
食完主菜就到甜品，見是日甜品係抹茶芝士蛋糕好似幾吸引，本身以為會好細舊，但嚟到發現比想像中大件。不過可惜食落大失所望，質感偏似mousse，而且唔似凍餅，似曝露喺空氣中好耐嘅感覺，加上抹茶味亦唔係咁突出，唔係好夾，食左一半已經放棄左，唔太建議依個甜品。
除左甜品之外其他野食都ok嘅，餐廳環境都唔錯，但整體嚟講價錢始終都係比較高少少。
張貼
