發記海鮮

營業中

休息中

今日約埋一大班好耐冇見朋友仔，相約去三勝食海鮮！因為家住將軍澳，平時去西貢食海鮮就多，三勝係屯門咁遠都係第一次咋，一大堆朋友仔陸續嚟齊，去到三勝，其實好似西貢咁，一間間門面有好多海產選購嘅海鮮食店，我地睇下望下，一大班人就是旦去左一間，女士們就入去坐底左，一班男士就同店員選購海鮮！我係呢個時間，當然同一眾女士們一樣，坐底吹水等食飯啦，哈哈哈！不久，食物一大碟一大碟就陸續送上，由於食物吾係我點，嗌左幾多我都吾知啦，只係識得食，大一枱，全部海鮮嚟，正丫！有飽魚，蟹，魚，蝦，帶子，蠔，雞，鴨，菜等等了，多到吾記得了！總知食到飽死！先講下海鮮！最正係蟹，勁多膏，全隻都係膏，而且一食就知新鮮，因為肉質爽口强牙，鮮甜多肉，而家講返都流口水，真係好正！其次大蝦，都好新鮮，好大條，蝦肉好彈牙，外面炸過？加少少辣椒，勁惹味，又一必嗌之選！另外帶子都嗌左好多，聽講好似話價錢平過街市好多，但煮得熟左少少，可能一碟太大碟咁蒸，怕吾熟？少少老左d，但都係好味嘅！咁又係，海產都係熟少少食安心d，仲有炸蠔！差d吾記得講！！好好食！！粉吾算多！但熱辣辣即嗌即炸，而且用左大大隻蠔嚟炸，一口落口，好熱，外面脆卜卜嘅入面d