大瀛喜日本料理 (已結業)

同一大班人食飯，梗係食放題啦。有個食開好野嘅就提議黎呢度，話食過唔錯喎。所以一行十五人就book左位黎食了。雖然訂左枱，但黎到嗰陣都等左一陣先入得，間房真係啱啱好，多一個都攝唔入😂一開波大家就就乜都點左先，之後攞野飲吹下水。啲小食上先，而刺身好快就到左了，仲出埋煙添視覺效果一流。其他野食都陸陸續續上黎，因為人多肚腩又多，差唔多上一碟就換一碟咁濟，無縫接軌。話咁快第二輪嘅刺身又上到了，擺盤仍有心機，可惜乾冰不再了。因為同行有朋友仔生日，呢度就送左人頭數量嘅海膽三板😁雖然係送嘅，味道又唔錯喎。仲可以追加紫菜。之後又繼續食，食，食...連粥都點左黎食...見餐紙竟然有炸榴連波食，班榴連怪又點會放過一食，又係唔錯喎熱得黎榴連味又重，最緊要係唔太甜👍（個肚有空位嘅可以encore）。最後點埋甜品食，呢餐就完滿結束了。總括黎講，食物種類多，刺身同熟食質素都唔錯，環境都好，可能人多關係，逼左少少。另外，不得不讚下主力serve我地嘅嗰位姐姐，好搞笑👍密密主動換碟之餘，仲問我地夠唔夠，不如點多幾樣😂完全值得寫紙落佢名做好員工。