紅橋 (已結業)

屋企人好鍾意食呢間野，所以成日喺大埔都會幫襯，今日同朋友去旺角行街，就推薦佢嚟食呢間平靚正嘅餐廳。我哋每人叫咗個主食，然後再share小食。小食方面我哋叫咗個蝦多士同埋炸雞槌！個蝦多士蝦肉都幾多，但係鹹咗少少，所以點煉奶嗰陣覺得個差距有啲大。特別想讚佢個雞槌，好食過香港快餐連鎖店嘅炸雞槌。。又脆肉多，點埋個泰式醬熱辣辣好味！龍蝦汁帆立貝海鮮燴意大利飯佢個汁海鮮味幾重，而且真係有勁大隻帆立貝！海鮮種類都幾多，仲有蜆、蝦、珍珠帶子同埋蟹肉，全部都幾鮮甜胃口大開！日式照燒汁鰻魚蛋包飯我喺大埔都成日食蛋包飯所以就冇叫呢個，朋友話幾好食，但係就食到好飽，因為前菜有沙律湯我哋仲食咗小食，佢食到一半已經開始頂唔信🤣但我食過佢個鰻魚，肉質幾鮮嫩，而且佢充滿鰻魚汁所以鰻魚好入味！