程班長台灣美食 (已結業)

好耐冇黎啦以前總會有個人陪我四圍搵食，但而家冇啦。雖然自己一個但總有d地方係好食而值得再三回味嘅。夜晚六點幾的程班長開始多人，所幸永遠有張bar枱提供比一個人嘅食客。一個人食得唔多，要碗紅燒半筋半肉仲要少麵，食唔到豆乳雞同蛋餅有d可惜慶幸有要求少麵，因為湯已佈滿豐腴的油脂，加上膠質甚重又煮得非常入味嘅牛筋同牛肉，食完真係剛剛好。上枱時候仲可見到成碗麵出住煙，加上湯頭滿滿的香料味，暖暖咁有種小確幸嘅感覺。冬瓜茶仍然係至愛，如果大杯d就仲好啦