茶湯會 (已搬遷) 新店位置

每次去旺角，都要早啲諗定嗰日飲乜嘢，因為太多選擇，但其實每次我都係會揀茶湯會，因為分店較少屋企附近冇， 而且質素一路都keep住好好。今次係飲觀音拿鐵珍珠（微糖微冰）好多台式飲品店杯嘢最後出嚟都唔係你想要嘅糖同冰嘅份量，好多都係會偏甜，但係茶湯會飲過咁多次，叫微糖就真係微糖。珍珠係細size，甜度啱啱好，有咬口夠煙靭。茶味夠濃，微糖亦都突顯到茶味，同奶嘅比例啱啱好，good👍唯一可惜嘅係較為細杯，不過味道同水準搭夠，如果食完嘢去飲就啱啱好。