南龍粥店 (已搬遷) 新店位置

我諗幫襯呢間粥店既人除左食佢人情味之外，應該冇其他野食。話說我幫襯佢既時間係夜晚十點半。當日點左皮蛋瘦肉粥，齋腸同叉燒腸。粥底雖綿，但勁多味精。個粥唔係即滾，係先落料，後加個米皇嗰種，完全冇皮蛋瘦肉粥應有既味道。個粥都算，齋腸同叉燒腸一夾就散，都唔知發生咩事。個人認為係佢個米漿做得唔好。仲有腸粉唔係即整，係預先整定。但係就算唔係新鮮整，有咩理由一夾就散先得架？整體上，幫襯呢間粥店係貼錢買難受，可一不可再，差到離晒普。