寶時茶餐廳

營業中

休息中

為左寫寶時依篇食評，特意到訪多次。原因有二，一係想影多幾張。二係證明佢既質數穩定。無多餘既油，乾身，又大碟，只賣三十六。重可以食埋懷舊裝修，超值三次黎分別食左乾炒牛河，乾炒叉燒公仔麵同星洲粉米。單睇相就已經知份量十足。乾炒牛河既牛肉有咬口，碟底無油，配菜都夠香，可比美坊間過百元水平。乾炒叉燒公仔麵，d叉燒好似唔駛錢，好多，公仔麵炒完都唔乾，加埋個汁，正～星洲粉米夠鑊氣，唯一美中不足係d蝦，急凍貨色，無味。總體而言，寶時既炒粉麵十分出色，眼見其他食評都只試湯麵、飯或常餐，所以特意作另一個視角既評論以供大家參考。與其比好貴去仿懷舊餐廳，倒不如黎依間真古舊餐廳，食個炒野懷舊一番。