好好運快餐店 (已結業)

終於食到傳說中最好既沙嗲牛肉麵之一，果然不負所望，首先沙嗲醬係偏花生醬，I like it🤩，而且小店一d都唔吝嗇，所以連湯底都變成濃濃既沙嗲湯底。沙嗲醬係靈魂，咁牛肉一定係肉身，肉質新鮮，而且片得好薄身，好咬口。今次係一早去食，百搭麵餐重可以簡三款餸，其次揀左煎蛋同紅腸，煎蛋係脆邊太陽蛋👍🏻紅腸就勁厚切，太厚身偏多左肥肉，而公仔麵質都好食。另外朋友揀左炒蛋，望落都好出色，重好嫩滑。另外重加配左奶醬多，都好足醬。淨麵已經超飽，食埋份多士真心飽到傻😂其次就要講下杯凍奶茶，茶底香，無茶澀味。所以除左沙嗲牛外，其他野食有返咁水準。📌好好運快餐店 (荔枝角)📍荔枝角青山道538號半島大廈地下3號舖