村爺爺龍蝦湯.泡飯.燉湯專家

營業中

休息中

三個人等位，排隊時有個似老闆既男侍應比2張完全一樣既餐牌我哋睇住先，過2分鐘佢過嚟幫我哋落單，我哋指餐牌落泡飯，佢就話呢張唔啱要睇另一張，然後收走左張一模一樣既餐牌，我哋就黑人問號，睇清楚冇寫日期或時間限制，佢再嚟落單我又指多次一樣既餐佢又落到單。上菜時明明我哋叫2杯熱華田，姐姐上左2杯熱檸水，我哋同佢講左2次我哋要2杯熱華田，姐姐望住我哋笑跟住行開咗又冇同其他同事講，我哋？？！？！有啲嬲左，再同返落單‘老闆’講，先換返比我哋。講返碗飯，同幾年前食差好遠，同行有人食花膠雞件泡飯，牛魔王就係打邊爐落肥牛鮮牛同牛丸。。。湯有牛味都好飲既，份量好大，一定飽。食到尾，就係我碗牛魔王到食到膠紙 （有圖），’老闆‘好似行開左唔係鋪面，就同姐姐講左聲，姐姐有道歉有問洗唔洗換過碗，我已經食飽就比錢走算，不過就真係唔敢再去。