影片
更多
2017-05-08
348 瀏覽
西餐就食得多，比利時菜都係第一次食，呢間比利時啤酒屋喺港島區有四間分店，供傳統歐州美食同比利時啤酒。當中最經典嘅菜式一定唔少得豬手、青口鍋、正宗比利時薯條。公司嘅總部都喺鰂魚涌，週四晚就喺呢間分店享用過滿意嘅晚餐。食一餐飯，食物質素固然重要，但如果能夠喺舒適環境下用餐，一定會加分。Frites就係由食物、環境到服務都有相當水準。餐廳位於濠豐大廈，交通相對其他分店冇咁便利。平日附近有唔少寫字樓上班族，所以平日都有午市套餐、早段晚市套餐供應到左晚上，呢邊相應靜少少，我地喜歡靜靜地同三五知己飲酒談天，就比較鐘意此分店。裝潢明顯花過心思，參照傳統比利啤酒屋設計，用嘅係木枱木櫈，空間感足，坐得相當舒適，鐘意飲杯啤酒，亦都可以選擇坐吧枱。原來平日下午3點至8點嘅happy hour時段，酒類一律以半價供應，$35/起就有杯啤酒，以呢個環境而言，好抵飲。單係香檳、啤酒、葡萄酒已經有幾十款，揭住menu都大開眼界。我地入座稍遲，享用唔到呢個優惠~餐牌選擇豐富，有前菜、沙律、小食、青口、素漢堡等，主菜有意大利飯、肉腸、豬手、燒春雞、羊架、牛仔骨等，定價中上。 Prawn and crab balls $
當中最經典嘅菜式一定唔少得豬手、青口鍋、正宗比利時薯條。公司嘅總部都喺鰂魚涌，週四晚就喺呢間分店享用過滿意嘅晚餐。
食一餐飯，食物質素固然重要，但如果能夠喺舒適環境下用餐，一定會加分。Frites就係由食物、環境到服務都有相當水準。
餐廳位於濠豐大廈，交通相對其他分店冇咁便利。平日附近有唔少寫字樓上班族，所以平日都有午市套餐、早段晚市套餐供應到左晚上，呢邊相應靜少少，我地喜歡靜靜地同三五知己飲酒談天，就比較鐘意此分店。
裝潢明顯花過心思，參照傳統比利啤酒屋設計，用嘅係木枱木櫈，空間感足，坐得相當舒適，鐘意飲杯啤酒，亦都可以選擇坐吧枱。
原來平日下午3點至8點嘅happy hour時段，酒類一律以半價供應，$35/起就有杯啤酒，以呢個環境而言，好抵飲。
單係香檳、啤酒、葡萄酒已經有幾十款，揭住menu都大開眼界。我地入座稍遲，享用唔到呢個優惠~
餐牌選擇豐富，有前菜、沙律、小食、青口、素漢堡等，主菜有意大利飯、肉腸、豬手、燒春雞、羊架、牛仔骨等，定價中上。
Prawn and crab balls $80
先點一客小食，以攪碎嘅蝦、蟹肉炸成，配上沙律醬，係唔錯嘅佐酒小食。
Prawn and crab balls
$80
12 瀏覽
0 讚好
0 留言
Prawn and crab balls
$80
32 瀏覽
0 讚好
0 留言
Frties House Mussels $245/半公斤
店員介紹話，黎到Frties不得不點青口，話餐廳每月平均賣出5千公斤嘅青口，可見幾受歡迎。一共六款口味，包括忌廉、hoegaarden啤酒、蕃茄、白酒、喇沙、地中海風味，份量可選半公斤/1公斤($395)，配薯條。
我地揀左比較穩陣嘅招牌忌廉青口，原煲上碟，賣相好吸引，味道都相當唔錯，鐘意食貝殼類嘅客人不能錯過！
以蕃茄、蒜蓉、洋蔥、小蔥，加入忌廉汁煮成，半公斤份量都唔少呀，夠兩個人食。
男朋友本身對青口完全冇好感，因為一般都係雪藏貨，佢覺得好腥，平時都好少食，呢份係我第一次見佢讚好嘅青口，仲同我爭住食添！
至於我，一向都好鐘意食貝殼類海鮮，有機會叫多幾個朋友一齊黎，會點1公斤。
Frties House Mussels
$245
31 瀏覽
0 讚好
0 留言
青口鍋熱辣辣，連蓋上，方便保溫。
平時食得多平價雪藏青口，所以一食就知呢煲係新鮮貨，口感軟腍彈牙，完全冇腥味，吸收左濃稠適中嘅忌廉汁，唔膩，食完一粒接一粒青口而家唔係當造時節，所以size唔會好大粒，但都夠鮮甜肥美，好滿足
Frties House Mussels
$245
18 瀏覽
0 讚好
0 留言
薯條係歐式粗薯，新鮮熱辣，配上蛋黃醬，不過不失。
配上自家製法國麵包，口感煙韌，猜想係煎過，食落香口，相對可能會有人覺得油份稍多，但我地就覺得好好食，特別係配少量忌廉汁，一流！
Tiger Prawn and Smoked Salmon Risotto $235
點左一客大蝦煙三文魚燴意大利飯，有兩隻大蝦，連同蕃茄粒、火箭菜、少量白酒煮成。
Tiger Prawn and Smoked Salmon Risotto
$235
41 瀏覽
0 讚好
0 留言
意大利飯份量不少，調味微酸，唔會太creamy，所以清新不膩。裡面加入三文魚，煙燻味道唔強烈，反而俾我感覺似煮熟左嘅三文魚。
Tiger Prawn and Smoked Salmon Risotto
$235
32 瀏覽
0 讚好
0 留言
店員一直好細心，一路留意我地食到邊個stage，差唔多食完先上另一份主菜。
750g Roasted Pork Knuckle $245
我地點嘅係招牌燒鹹豬手，配上焦糖燒雜菜，不得了，好吸引，份量足夠三至四人分享，都幾抵食啦。
750g Roasted Pork Knuckle
$245
51 瀏覽
0 讚好
0 留言
豬手已經起皮，豬肉亦都已經切片，方便食用。外皮燒到非常香脆，乾身唔油膩。
750g Roasted Pork Knuckle
$245
58 瀏覽
0 讚好
0 留言
豬手肥厚，但肉質腍身唔韌，食落豬味突出唔羶，肉汁豐富帶咸香，相當出色
伴碟嘅係焦糖燒雜菜，同樣係加分位，因為齋食豬手可能會覺得有鹹膩，以瓜粒、薯粒可作緩衝。
750g Roasted Pork Knuckle
$245
18 瀏覽
0 讚好
0 留言
Sweetheart
簡單而言就係利賓納味道~ （鐘意飲啤酒嘅當然不能夠錯過比利時啤酒啦，我地唔飲得）
Sweetheart
16 瀏覽
0 讚好
0 留言
因為當中有唔少個人回憶，陪佢長大嘅英文歌，佢就食歌食得好投入。
當然啦，我地都有問過店員，佢話都有唔同歌單，咁啱我地呢一晚就播住熟悉嘅歌曲，令成餐飯感覺加分不少。
環境、食物都有水準，店員服務殷勤，態度親切，加上平日晚上都比較夜嘅時間，客人唔多，佢都不時同我地傾下計。
據講餐廳週末仲有個「兒童天地」，方便一家大細嘅客人，大人享受食物，小朋友可以喺視線範圍內玩樂，諗得周到。
餐牌：
張貼
