川燒 (已結業)

老公話我知佐敦有間佢好想食嘅串燒，於是今日放工就專登過嚟同佢食，原來老公話佢每次經過都覺得好正，串燒味勁香😊餐廳嘅格局似日本嘅居酒屋，裝修都有少少風格，好多擺設都係實木設計！店員話呢一度落單之後係即叫即燒，所以全部都新鮮滾熱辣上枱😍食完之後，真係覺得物有所值，已經開始期待下一次再嚟食😚 燒鮮白鱔，外皮脆身，鱔肉鮮嫩多汁，滑滑溜溜🥳入口仲有陣炭燒香味！汁燒榖飼一口牛，穀飼牛本身油花飽滿，口感鮮嫩，經過一燒，啲油出哂黎更正，中晒老公個胃口🤩燒特級厚切牛脷，師傅真係燒得非常之好，牛脷保持爽脆，中間依然都係粉嫩色，肥嫩嘅口感真係令人愛上❤️