Espuma (H8) (已易手) 新餐廳

這是我朋友介紹我一間新開張不久的cafe,說是這裡的甜品有酒店級的水準，而且是正宗西班牙cafe。所以我一早訂了位唸住同朋友試，我地order咗Cappuccino，熱檸檬果茶，Churros, Earl Grey Cream Brulee, Special daily waffle。好好味。特別係檸檬果茶，清香檸檬味加上甜甜地茶香，飲落好舒服。Churros 外皮脆脆，心軟軟的，加埋朱古力醬，剛剛好不太甜。不過我最鍾意係Cream Brulee, 入口有好濃郁茶香味，上面嘅焦糖有原咖啡豆碎粒，好脆好特別。仲有一個睇起來都會很驚喜嘅雲呢拿味雪糕Waffle, 都係表脆肉軟。哈哈，原來旁邊嘅cream好香滑嫁，我地三個人，剛好夠飽了。我地完全清曬。下次一定要再來Encore. 差點忘了講那杯Cappuccino, 師傅好有心思在上面畫咗好靚嘅花。味道都可以啦！