Egg O’Clock (已結業)

見到佢買蛋飯就有糖巾送，就1100準時去到，叫左個蛋包鰻魚飯，點知唔記得左銀包得60蚊，個女職員都無發脾氣，我問佢邊到有ATM, 佢整住先好禮貌地話我知位置，真係好好既語氣，我真心覺得唔好意思。之後，返轉頭，比錢佢找，因為姐姐唔想用同一對手套，接觸食物又接觸錢，佢遞個兜黎，好禮貌感話：｀唔好意思，介唔介意自己羅.｀我話當然唔介意啦。返到屋企，食呢個飯，蛋同鰻魚果然係絕配，蛋包飯好滑，鰻魚都好厚身，好好味。呢間小店，我絕對會再幫襯。