安南 (利園) (已搬遷) 新店位置

平時都係我帶男朋友去食好野，今次終於輪到佢推介番一次喇！今晚黎到安南，係weekday唔駛等位。裡面裝修優雅，氣氛好relax好有情調，感覺好舒服，侍應都好有禮貌。最先黎既係安南炭燒豬肉 呢個真係好好味！ 一咬開粒肉丸，好juicy！望到咬開一半既肉丸充滿肉汁，而調味方味亦相當唔錯，好香！用黎包住肉丸既生菜都好乾淨好新鮮。燒豬肉片都好有水準，醃得好入味，燒到有焦香，但係肉質保持軟滑。 之後就有炸軟殼蟹米紙卷軟殼蟹炸得唔錯，鬆脆唔會成口油淋淋。配醬汁食好開胃，但係包係入面有塊香葉 (唔記得是否薄荷葉)我就覺得有點overpowering，掩蓋左其他材料既味道。帶子椰苗沙律未食過咩係椰苗所以試下。沙律汁既味道冇咩驚喜，都係一般魚露味，酸酸甜甜咁。而椰苗就好似少D根既牛蒡咁啦，都冇咩特別味道。而帶子同D豬腩肉就好似格格不入，唔同沙律一齊食都冇所謂。蕃茄牛腩湯河粉紅當當既蕃茄湯除左有濃郁既蕃茄香之外，牛肉味都好突出。湯底好濃稠，應該熬左好耐。牛腩唔肥，燜得好淋，河粉彈牙！唯一缺點係湯底比較鹹，食晒D河粉後真係飲唔到落去。今次兩個人黎食唔到好多野，期待下次黎試下佢招牌既酸子蟹同蜆湯！