銓滿記餐廳小廚 (已結業)

係朋友既介紹下，去左依間門口已經貼滿雜誌介紹既餐廳食煲仔飯。入面格局唔算大，坐位幾舒服，遠勝廟街大排檔既座位。有位較年輕既侍應好有禮貌咁介紹有咩招牌煲仔飯。仲教我地食果陣，記住好似食哈蜜瓜咁，由中間食起。食完d飯之後，可以搵佢地幫手起飯焦。最後揀左黃鱔併臘鴨脾。個飯到果陣，侍應幫手落小小秘制豉油係個邊度，再焗多30秒就食得。一d都無燶味，飯夠結實。黃鱔略嫌唔夠彈口，但夠新鮮。最正係個臘鴨脾，啖啖肉，但一d油益味都無。食完，有位姐姐幫我地起飯焦，仲教我地加d砂糖落去食。幾十蚊既價錢，仲包埋一盅老火湯，同油茶。加埋凍飲都係80蚊樓下落樓，真係非常抵讚。