影片
更多
2010-07-01
18 瀏覽
今晚同女性朋友晚飯，想食日本菜，因為佢唔可以食生野，即刻想起去大戶屋，貪佢水準穩定又好味。 晚上７：３０到達，想不到平日晚上都要等３－４張檯，不過都算快。 每次來這裡我揀食咩都要揀好耐，因為menu上張張相都影得好靚。最後朋友選了吉列豬扒定食，我就揀咗泡菜炒豬柳+盒子蕎麥麵。 吉列豬扒 - 炸得好乾身，唔油膩。好多人都會將佢同銅鑼灣吉列專門店比較，我就覺得呢度平好多（定食＄８１），味道分別又唔係大得好緊要，係個炸法有ｄ唔同，而呢度就無咁多汁揀，椰菜絲無refill。呢度點豬扒嘅汁都好好味，一樣有芝麻玩，唔知大家知唔知，定食係有無限添飯，日本米，淨食白飯都好好味 泡菜炒豬柳 - 豬柳一 D 都唔"hai"，用泡菜炒有少少辣好野味。D泡菜唔係好似有D地方，炒就用馬虎嘅泡菜；佢D泡菜係"shot shot" 聲又有味嘅，正 盒子蕎麥麵 - 蕎麥麵最驚就係唔彈牙，所以我多數揀凍食。呢度嘅麵實在相當唔錯！可能因為用盒上菜，所以D麵唔會黏埋，冷麵汁濃度適中，就算食到最後亦唔會覺得淡晒，次次我都全盒完成．． 椰菜絲 - 剛巧今次２個主食都有椰菜絲。我覺得椰菜絲嘅靈魂係個醬汁，淋滿汁我就一定食晒！ 服
晚上７：３０到達，想不到平日晚上都要等３－４張檯，不過都算快。
每次來這裡我揀食咩都要揀好耐，因為menu上張張相都影得好靚。最後朋友選了吉列豬扒定食，我就揀咗泡菜炒豬柳+盒子蕎麥麵。
吉列豬扒 - 炸得好乾身，唔油膩。好多人都會將佢同銅鑼灣吉列專門店比較，我就覺得呢度平好多（定食＄８１），味道分別又唔係大得好緊要，係個炸法有ｄ唔同，而呢度就無咁多汁揀，椰菜絲無refill。呢度點豬扒嘅汁都好好味，一樣有芝麻玩，唔知大家知唔知，定食係有無限添飯，日本米，淨食白飯都好好味
泡菜炒豬柳 - 豬柳一 D 都唔"hai"，用泡菜炒有少少辣好野味。D泡菜唔係好似有D地方，炒就用馬虎嘅泡菜；佢D泡菜係"shot shot" 聲又有味嘅，正
盒子蕎麥麵 - 蕎麥麵最驚就係唔彈牙，所以我多數揀凍食。呢度嘅麵實在相當唔錯！可能因為用盒上菜，所以D麵唔會黏埋，冷麵汁濃度適中，就算食到最後亦唔會覺得淡晒，次次我都全盒完成．．
椰菜絲 - 剛巧今次２個主食都有椰菜絲。我覺得椰菜絲嘅靈魂係個醬汁，淋滿汁我就一定食晒！
服務OK 啦，不過今晚有幸地與昆蟲相遇（在牆爬了很久)，隔離小姐嚇到飛彈３００米．．．好彩佢男友勇猛地殲滅它．．．
張貼
