Come撈

營業中

休息中

由細到大都好鐘意湯撈飯⋯明明大把餸淨都硬係要撈🤪前排係土瓜灣見到呢間《襟撈》，要試！舖頭細細，大約得10個坐位架咋！但期間見到好多人黎外賣😲另一個好吸睛既係，勁多涼拌小食賣！成個雪櫃排哂出嚟慢慢揀😍我又係勁鐘意食（我諗好多香港人都鐘意😇）！［鹹濕仔］$58「出面有3個鹹濕仔呀！」聽到老闆娘講呢句真係幾好笑😂鹽水鴨、冬瓜冬菇為材料，鹽水鴨好夠味。湯底好清甜，無味精架！係用豬骨、上等老雞同瑤柱熬煮。飯係夾雜住紅糙米，更加有口感。［金玉滿船］$88海蔘、鮑魚、魚翅、姬松茸、冬瓜為材料。好·大·條海蔘😳鮑魚都有3隻⋯真心足料！好鐘意食個姬松茸，好香！鐘意既仲可以加啲辣菜譜（我加左），我成碗清哂🥹［麻辣滷水爆膏魷魚］$58大閘蟹爆膏就見得多，爆膏魷魚🦑？！老闆娘話香港唔多地方有架！平時食魷魚中間空心架嘛，爆膏魷魚口感好充實！有少少似魚籽既感覺。加埋個秘製辣汁，正！［醉鴨舌］$38唔係啖啖肉既食物，但「妹下妹下」硬係就好過癮😂酒味係好香！讚！［桂圓紅棗冷泡茶 · 菊花杞子決明子冷泡茶］$15@全部冷泡茶都係自製架。用茶葉袋仔裝起材料再冷泡。味道好出，好清新，又健康🥰要encoreeeeee！